Concello de Rianxo

CURSO: Lingua de Signos Española A1.1

2026-03-12T12:53:04Z

Rematado o prazo de inscrición, todas as persoas que se inscribiron obtiveron praza. Comunicaráselles por teléfono ou correo electrónico e facilitaráselles o recibo para o pagamento.

Aínda quedan prazas dispoñibles. Se estás interesada/o, podes inscribirte; a listaxe seguirá a orde de inscrición.

_____________________________________________________________________________________________________________________

CURSO: Lingua de Signos Española A1.1

Datas formación: 17, 24 e 26 de marzo; 07, 09, 14, 16, 21, 23 e 28 abril de abril (martes e xoves)
Horario: 16.30 a 19.30 h
Duración: 30 h
Lugar: Aula Centro Sociocultural - Auditorio de Rianxo
Destinatarios: preferentemente mocidade de 16 a 35 anos (ambos inclusive). Se non se cubren as prazas poderá participar a poboación maior de 35 anos.

Inscrición: martes 03 a martes 10 de marzo (ambos incluídos) no rexistro do Concello de Rianxo, presentando a ficha de inscrición e a documentación xustificativa do prezo reducido, de ser o caso.

Prezo: 50 euros. Prezo reducido: 35 euros (persoas en situación de desemprego, estudantes, membros de familias numerosas, persoas con discapacidade e persoas vítimas de violencia de xénero). Para aplicarse esta redución deberán xustificar debidamente a súa condición.

Consulta as bases de participación e inscrición:

TEATRO, As fillas bravas de Momán a cargo de Chévere

2026-03-12T08:38:00Z

TEATRO, As fillas bravas de Momán a cargo de Chévere

DÍA: sábado 28 de marzo
HORA: 20:30
LUGAR: sala Arcos Moldes do Auditorio
PÚBLICO RECOMENDADO: todos os públicos
DURACIÓN: 60 minutos
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Organizado polo Concello de Rianxo ao abeiro da programación da Rede Cultural da Deputación da Coruña.

As Fillas Bravas son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira. As Fillas Bravas viven en Momán, unha aldea que representa todas as aldeas e na que todo é posible. Elas veñen a reafirmar modelos apoderados de muller, vencellados a expresións culturais tradicionais que agochan berros emancipatorios e cantos de rebeldía insospeitados, valorizando a participación das mulleres na construción dunha memoria e dunha identidade colectiva.

As Fillas Bravas é un recital teatralizado que actualiza a vixencia dos valores que as mulleres achegaron á cultura tradicional, creando e transmitindo un tremendo repertorio de creatividade colectiva arredor da música, o baile e o canto . É tamén un traballo de investigación sobre a sexualidade, as relacións de xénero e os roles da muller na sociedade tradicional que aparecen reflexados nas coplas do cancioneiro popular galego, para o que se fixo un traballo de procura, escolma e adaptación de textos de transmisión oral.

Con este proxecto, estreado en xuño do 2014, quixémonos achegar a algunhas zonas nas que intuímos que a muller gozou de autonomía, extraendo textos do cancioneiro que poidan alumear xestos de rebeldía e autoafirmación. Cuestionar esoutro estereotipo que caracteriza a sociedade galega rural como conservadora, atrasada, inmobilizada, sumisa, que reduce ás mulleres ao ámbito privado da familia. Porque no rural galego as mulleres non se limitaban a desempeñar un rol reprodutivo, senón que participaban de todas as tarefas do traballo comunitario. De aí que a súa presenza na esfera pública da aldea fose un feito asumido e normal. Nos textos do cancioneiro popular galego atópanse testemuñas destes roles produtivos asumidos polas mulleres, da existencia habitual de relacións sexuais fóra do matrimonio, da denuncia de abusos, acoso e violacións, de prácticas anticonceptivas e abortivas, de autoafirmación da muller fronte o home, publicados desde a segunda metade do século XIX.

Camiños de coñecemento e experiencia, IV Ciclo programa universitario de maiores

2026-03-11T09:28:58Z

Programa Camiños de coñecemento e experiencia, IV Ciclo programa universitario de maiores.

Formación universitaria para as persoas maiores de 50 anos.

LUGAR:

Salón de actos do Centro Sociocultural-Auditorio de Rianxo

INSCRICIÓN (GRATUÍTA) e máis información:

Cubrindo o seguinte formulario (preferente). Pincha aquí.
No correo-e cultura@concelloderianxo.gal ou no teléfono 981 100 688
Presencialmente no Auditorio de de 9:00-14:00

PROGRAMA

08/04/2026 16:30-18:00h
O uso do móbil, sácalle partido I
D. Álvaro Dosil Rosende profesor da Facultade de Ciencias da Educación e do Programa Universitario de Maiores, IV CICLO da USC

09/04/2026 16:30-18:00h
Entendendo a radiación: física nuclear para a saúde I
D. Julio Nóvoa Fernández profesor da área de física de partículas da USC e colaborador do Programa Universitario de Maiores, IV Ciclo

10/04/2026 16:30-18:00h
O uso do móbil, sácalle partido II
D. Álvaro Dosil Rosende profesor da Facultade de Ciencias da Educación e do Programa Universitario de Maiores, IV CICLO da USC

14/04/2026 16:30-18:00h
Entendendo a radiación: física nuclear para a saúde II
D. Julio Nóvoa Fernández profesor da área de física de partículas da USC e colaborador do Programa Universitario de Maiores, IV Ciclo

15/04/2026 16:30-18:00h
A paisaxe da montaña galega. Os noso máis altos cumios, e outros máis pequenos I
Don Luis Martín Agrelo Janza, Profesor da Facultade de da Facultade de Xeografía e Historia da USC e colaborador do Programa Universitario de Maiores, IV Ciclo

16/04/2026 16:30-18:00h
A paisaxe da montaña galega. Os noso máis altos cumios, e outros máis pequenos II
Don Luis Martín Agrelo Janza, Profesor da Facultade de da Facultade de Xeografía e Historia da USC e colaborador do Programa Universitario de Maiores, IV Ciclo

Oficina móbil de atención ás persoas emigrantes retornadas

2026-03-10T13:07:43Z

A Secretaría Xeral de Emigración está a levar adiante o programa " Galicia Retorna 2023-2026", co obxectivo de promover a inclusión e integración da poboación emigrante retornada e os seus familiares en todo o territorio galego.

Así, a empresa Silman 9, SLU será a encargada do desenvolvemento do programa, mediante unha unidade móbil que percorrerás as zonas rurais e todas aquelas poboación que non dispoñen de oficina física.

Este servizo consiste na información e asesoramento ás persoas destinatarias dos principais trámites administrativos anteriores e posteriores ao retorno, asistencia sanitaria, orientación laboral, formación, prestacións, subvencións e axudas, e todos aqueles outros nos que sexa preciso.

En Rianxo a oficina móbil está prevista para o día 08-04-2026 en horario de 09:00h a 14:00h

É aconsellable pedir cita previa:

Teléfono: 900 102 380
No seguinte enderezo web: https://emigracion.xunta.gal/es/actividad/retorna/oficina-movil-cita-previa

Concilia Semana Santa

2026-03-09T12:32:26Z

Programa municipal de conciliación con actividades socioeducativas, deportivas e de tempo libre dirixido ás familias do Concello de Rianxo.

Datas de realización

16, 17 e 18 febreiro

Horario

dende as 08.00 a a 14.00 h

Persoas destinatarias 

nenos e nenas nados entre 2014 e 2022 (incluídos).

Localizacións e prazas:

CEP Brea Segade (Taragoña): 15 prazas
CEIP Ana Mª Diéguez (Asados): 15 prazas
CEIP Castelao (Rianxo): 30 prazas

Documentación necesaria

Solicitude de inscrición (Descarga do modelo).
Volante de empadroamento (ou autorización para a súa comprobación).
Xustificación da necesidade de conciliación.

Calendario de inscrición

Presentación de solicitudes: do mércores 11 ao mércores 18 marzo
Publicación listaxes provisionais e instalación solicitada: luns 23 marzo
Sorteo, de ser o caso: martes 24 de marzo, ás 11.00 h.
Listaxes definitivas: mércores 25 de marzo

Presentación de solicitudes

As solicitudes presentaranse no Rexistro do Concello de Rianxo, preferentemente por vía telemática, empregando o modelo oficial.

Teatro, Terapias Alternativas a cargo de T.E.N Teatro Escola de Narón

2026-03-06T12:50:18Z

Teatro, Terapias Alternativas a cargo de T.E.N Teatro Escola de Narón.

DÍA: sábado 14 de marzo
HORA: 20:30
LUGAR: sala Arcos Moldes do Auditorio
PÚBLICO RECOMENDADO: todos os públicos
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Organizado polo Concello de Rianxo ao abeiro da programación da Rede Cultural da Deputación da Coruña.

Terapias Alternativas é unha obra musical que trata sobre as facetas máis crueis do ser humano.Fiada entre a sátira e o humor negro, este espectáculo fala da busca e a reafirmación do lado máis escuro do poder de quen o exerce, a través dun evento de coaching persoal¿ ao que son invitadas, por un anfitrión moi profesional, persoas das grandes elites mundiais.

EXPOSICIÓN, Castelao grafista (facsímile) de Afundación

2026-03-04T07:52:03Z

EXPOSICIÓN, Castelao grafista (facsímile) de Afundación.

DATAS: do 04 de marzo ao 01 de abril
HORARIO DE VISITAS: luns de 10.00 a 14.00 // martes a sábado de 11.00 a 13.00 e de 17.00 a 20.00 h (agás festivos)
LUGAR: sala de exposicións do Auditorio
MÁIS INFORMACIÓN: pinchando no enlace

O acto de inauguración será o mércores 04/03/2026 ás 13.00 horas.

A mostra, que conta coa facsímiles de pezas procedentes das coleccións de arte de ABANCA e Afundación así como doutras coleccións privadas e públicas, componse dunha escolma rigorosa de obras nas que se reflicte a evolución tanto do compromiso ético, social e político do artista rianxeiro, como dos seus recursos plásticos e a súa querenza pola ilustración. O seu interese pola palabra e pola imaxe consolidouse nas colaboracións que, a partir de 1924, empezou a publicar en medios como Galicia, Faro de Vigo ou Vida Gallega, nas que a ilustración e o texto reflicten a ácida crítica dun Castelao cada vez máis comprometido. Esta forma de arte e denuncia acabaría articulando obras tan relevantes como Cousas da vida (1930) e os álbums de guerra Galicia mártir (1937), Atila en Galicia (1937) e Milicianos (1938).
A mostra reúne facsímiles da Colección de Arte Afundación e debuxos do álbum Cousas da vida de Castelao, dos que pertencen á Colección de Arte ABANCA. Ademais, poderanse ver retratos fotográficos, caricaturas, debuxos e portadas de revistas.

Unha nova función ás 20.30 h, A penúltima de Carlos Blanco

2026-02-27T13:13:53Z

Unha nova función ás 20:30 horas, xa podes adquirir as túas entradas en ataquilla

A penúltima de Carlos Blanco

DÍA: domingo 22 de marzo
HORA: 18:30 - 20.30 h
LUGAR: sala Arcos Moldes do Auditorio
DURACIÓN: 70 minutos
ENTRADA: 16.20 € á venda en ataquilla
ORGANIZA: Condetrespés, coa colaboración do Concello de Rianxo

A PENÚLTIMA

Porque nunca se sabe.

Carlos Blanco bota a penúltima.

Porque o tempo pasa e …

Carlos chega agora con imaxes, con historias novas e vellas pero sempre coas risas garantizadas.

70 minutos con Carlos son sempre breves, divertidos, sanadores …

Imprescindibles.

A PENÚLTIMA chega este ano e xa veremos despois o que pasa.

Para non perdelo.

DESTREZAS DIXITAIS, SUBINDO Ó TREN DA I.A

2026-02-23T12:24:01Z

Amplíase o prazo de inscrición para a acción formativa “Destrezas Dixitais: Subindo ao Tren da I.A.”. Se estás interesado/a, podes realizar a túa inscrición chamando aos teléfonos 645 440 959 ou 695 799 037.

O comezo será dende o martes 03 de marzo e prolongarase ata o 18 de marzo, de martes a venres de 17.00 a 20.00 horas.

___________________________________________________________________________________________________________________

Acción formativa: DESTREZAS DIXITAIS, SUBINDO Ó TREN DA I.A

PROGRAMACIÓN PÍLDORAS RIANXO

A COÑECE A UN NOVO ALIADO
DOMINA A I.A. PARA MULTIPLICAR CONTIDO E MINIMIZAR ESFORZO
I.A. APRENDE UNHA NOVA LINGUAXE
I.A. PARA A PROCURA DE EMPREGO
CIBERSEGURIDADE PRÁCTICA. BLINDANDO A TU A VIDA DIXITAL

Persoas destinatarias: todas as idades

Duración: 10 sesións

Días: dende o martes 24 de febreiro ao 11 de marzo, de martes a venres

Hora: de 17.00 a 20.00 h

Lugar: Centro Sociocultural/Auditorio de Rianxo

Inscricións e máis información: teléfonos 645440959 | 695799037

Comedia musical, Pum! Pum! Quen hai? a cargo de Ártica Compañía

2026-02-23T08:51:50Z

Comedia musical, Pum! Pum! Quen hai? a cargo de Ártica Compañía.

DÍA: sábado 28 de febreiro
HORA: 19:00
LUGAR: sala Arcos Moldes do Auditorio
PÚBLICO RECOMENDADO: maiores de 4 anos
DURACIÓN: 45 minutos
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Organizado polo Concello de Rianxo ao abeiro da programación da Rede Cultural da Deputación da Coruña.

Descobre a maxia dunha aldea galega onde cada día é un xogo.
PUM! PUM! QUEN HAI? é unha comedia musical que nos introduce na vida de Gaia, unha nena espelida que nos guía a través dos xogos tradicionais do seu pobo. Xunto con personaxes tan carismáticos como Tía Maruxa e Don Rosmón, Gaia desafía os segredos das portas veciñas, enredando a todos nunha aventura de risas e revelacións.
Cando aparecen novos e misteriosos veciños, o pobo enfróntase aos seus medos cunha serie de equívocos cómicos que nos lembra a importancia da aceptación e a diversidade.
SINOPSE UNHA CELEBRACIÓN DA COMUNIDADE E A CURIOSIDADE, PERFECTA PARA TODA A FAMILIA.

Teatro, Xoguetes rotos a cargo de Barrosanta en coprodución con Butacazero

2026-02-23T08:31:45Z

Teatro, Xoguetes rotos a cargo de Barrosanta en coprodución con Butacazero.

DÍA: venres 27 de febreiro
HORA: 21:00
LUGAR: sala Arcos Moldes do Auditorio
PÚBLICO RECOMENDADO: maiores de 14 anos
DURACIÓN: 70 minutos
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Organizado polo Concello de Rianxo ao abeiro da programación da Rede Cultural da Deputación da Coruña.

Xoguetes Rotos narra a historia dunha amizade entre Mario, un mozo que abandona a súa aldea, e Dorin, unha transexual do mundo do espectáculo. Mario traballa nunha perruquería pero Dorin lévao a enfrontarse aos seus soños de ser muller. Neste espello no que Mario se reflexa tamén se ve un mundo de purpurina perigoso e revelador.

É a época do Vigo industrial dos 70, das criaturas máxicas ataviadas coas mellores plumas como contrapunto da España en branco e negro endurecida pola lei de vagos e maleantes que incluída a represión dos homosexuais. A tráxica historia da súa amiga fai que Mario acepte ser en público quen descobre ser para si propio: unha muller. Unha viaxe de autocoñecemento que acontece á vista do público facendo un repaso polas súas lembranzas persoais. As palabras de Dorín retumbarán sempre no seu interior: ‘’O importante non é que te vexan, se non que o fagan como ti queres ser vista’’.

Conferencia: Impacto da tecnoloxía na infancia e na adolescencia: non hai benestar sen benestar dixital

2026-02-20T13:27:09Z

Conferencia: Impacto da tecnoloxía na infancia e na adolescencia: non hai benestar sen benestar dixital, polo profesor D. Antonio Rial Boubeta

Venres 13 de marzo, as 18.00 h, no Salón de Actos do Centro Sociocultural - Auditorio de Rianxo
Inscrición previa ata cubrir as prazas: Enlace a inscrición

O uso das denominadas TRIC (Tecnoloxías das Relacións, a Información e a Comunicación) adoita levar emperallados moitas veces problemas emocionais e de convivencia, especialmente nun período tan crítico e vulnerable como é a adolescencia. Tal e como ven advertindo a OMS ou a UNESCO, o uso intensivo e sen supervisión das redes sociais ou dos videoxogos pode derivar en hábitos de vida pouco saudables, unha peor hixiene do sono, maiores niveles de ansiedade e depresión, un aumento do acoso escolar e do ciberacoso, violencia filio-parental ou mesmo dar lugar a novas formas de adicción. A tecnoloxía é unha magnífica ferramenta para favorecer a aprendizaxe de nenas e de nenos, pero o seu uso excesivo (especialmente a idades temperás) pode chegar a xerar retrasos no neurodesenvolvemento, na linguaxe ou na atención. O consumo de pantallas non resulta inocuo, si se fai de maneira pouco equilibrada e sen o debido acompañamento. Cando implica novos patróns de interacción e novos xeitos de relacionarse co mundo, pode converterse nun problema, mesmo de saúde pública. A tiranía do selfie e o Imperio de Instagram, o auxe de gamers, youtubers e influencers amósanos unha nova xeración de adolescentes sorprendentemente menos felices, máis solos/as e con máis dificultades para relacionarse, aceptarse a si mesmos/as e adquirir valores ou habilidades básicas para construírse como persoas. A sociedade está cambiando e as familias tamén. Adquirir conciencia e tomar partido é unha tarefa obrigada. Afastado por igual de alarmismos e de banalizacións, desde un enfoque responsable e pragmático, na conferencia-coloquio do vindeiro día 13 de marzo, o profesor Rial convídanos a reflexionar como comunidade, na procura dun uso seguro e saudable da tecnoloxía, interpretando o problema que actualmente estamos vivindo, en clave de oportunidade, para desenvolver unha educación mellor.

Antonio é doutor en Psicoloxía Social e profesor da Universidade de Santiago de Compostela. Autor de mais de 150 artigos en revistas científicas de impacto internacional e director de 25 teses de doutoramento. Responsable de numerosos proxectos de investigación do eido da mocidade e as adiccións, dende o Uso problemático de Internet e as redes sociais ao ciberbullying,. É membro do Alto Comisionado da UNESCO para a loita contra o acoso escolar e o ciberacoso a nivel mundial. No ano 2021 dirixiu o Estudio sobre el impacto de la Tecnología en la adolescencia, levado a cabo por UNICEF-España cunha mostra de máis de 50.000 estudantes de secundaria e acaba de rematar o estudio INFANCIA, ADOLESCENCIA Y BIENESTAR DIGITAL (con UNICEF e o Ministerio de Transformación Dixital), no que participaron 93.000 adolescentes e 7.500 profesoras e profesores de toda España e que é o traballo científico de maior envergadura feito en Europa sobre o tema. Ten publicado nalgunhas das mellores revistas internacionais do eido da adolescencia, a saúde mental e a ciberconvivencia, como Psychiatry Research, Addictive Behaviors, Journal of Gambling Studies, Computers in Human Behavior ou Cyberpsyhology. Colabora dende fai anos con centros de investigación de referencia internacional, como o Center for Adolescent Behavioral Health Research (da Universidade de Harvard), ou o Cognitive and Affective Regulation Laboratory (da Universidad de Lausanne). En 2022 foi galardoado coa Nécora de Ouro pola Fundación Galega contra o Narcotráfico, polo seu labor na prevención das adiccións na mocidade, e en 2023 co Premio Iacobus da Educación, ano no que tamén foi distinguido como Colexiado do Ano polo Colexio Oficial da Psicoloxía de Galicia. Formou parte do Comité de Expertos do Ministerio de Xuventude e Infancia, para a elaboración da Lei de Protección dos menores na contorna dixital e do grupo creado pola Consellería de Educacion, para elaborar o Plan de Benestar Dixital de Galicia.

Homenaxe a Rosalía- 189 aniversario do seu nacemento

2026-02-20T12:59:44Z

O vindeiro luns 23 de febreiro, O Concello de Rianxo celebra o Día de Rosalía de Castro, con motivo do 189 aniversario do seu nacemento.

O acto consiste na ofrenda floral, a lectura de textos e un micro aberto para todas aquelas persoas que desexen participar.

A celebración terá lugar ás 19.00 h no monumento dedicado a Rosalía, no paseo da Ribeira. Convidamos a toda a veciñanza a asistir e a formar parte desta homenaxe.

Teatro, Memorias dun neno labrego

2026-02-16T12:20:39Z

Teatro, Memorias dun neno labrego, unha proposta teatral sobre o libro de Xosé Neira Vilas produción do Centro Dramático Galego e Contraproducións. Co texto e dirección de Cándido Pazó.

DÍA: mércores 18 de febreiro
HORA: 20:30
LUGAR: sala Arcos Moldes do Auditorio
PÚBLICO DESTINATARIO: tódolos públicos
DURACIÓN: 105 minutos
ENTRADA: de balde ata completar capacidade. Retirada de convites dende unha hora antes do comezo da función (máximo 2 por persoa)

Balbino é un neno de aldea, fillo de labregos pobres, que medra nun mundo de silencios, traballo e obediencia. Neste espectáculo, seguimos a súa voz sincera e sensible mentres narra a vida cotiá nunha aldea galega dos anos corenta: a escola, a familia, os soños frustrados, as inxustizas sociais e o desexo constante de fuxir dun destino xa escrito.

A historia desenvólvese a través dunha serie de lembranzas que van desde a tenrura da infancia ata a crúa conciencia das desigualdades. O espectáculo dálles vida aos episodios máis representativos da novela de Neira Vilas: o maltrato escolar, a perda do amigo ou dun animal querido, a frustración do primeiro amor, a dureza do traballo, a emigración, a represión da expresión, e a tristura de sentirse diferente nun mundo que non admite preguntas; pero tamén os costumes e celebracións festivas da aldea, e as esperanzas e alegrías que, a pesar de todo, ofrece a vida.

Nesta nova versión teatral do clásico de Neira Vilas, a memoria persoal do neno labrego preséntase como unha memoria colectiva, a desa Galicia rural que se foi diluíndo ou transformando, nun espectáculo que pon en primeiro termo a emoción, pero tamén o humor e a relación directa e amena co público.

Luns e martes de entroido: modificacións e traslado das actividades previstas

2026-02-16T09:38:42Z

Modificacións nas actividades de Entroido no Centro Sociocultural-Auditorio de Rianxo

Debido ás condicións meteorolóxicas adversas, as actividades programadas para o luns e martes de Entroido trasladaranse ao Centro Socioculural/Auditorio de Rianxo.

Luns 16 de febreiro

De 16:30 h a 19:30 h – Obradoiros e xogos diversos

19:00 h – Espectáculo O Feiticeiro de Henriko, na sala Arcos Moldes

Martes 17 de febreiro

De 16:30 h a 19:30 h – Obradoiros e xogos diversos

DOMINGO DE ENTROIDO: cambios

2026-02-13T11:49:59Z

PROGRAMACIÓN ENTROIDO 2026

As actividades organizadas pola Área de Educación e Cultura do Concello de Rianxo previstas para o domingo de Entroido quedan aprazadas para o domingo 22 de febreiro, agás a actuación da comparsa rianxeira, que se celebrará ás 18:00 h no Auditorio de Rianxo.

Pregamos que esteades atentos e atentas ás redes sociais ante posibles cambios, tanto nas actividades organizadas polo Concello como nas promovidas polas entidades asociativas.

Concilia Entroido 2026

2026-02-12T11:57:18Z

Publicación da listaxe de solicitudes por instalación

Publícase a listaxe de solicitudes por instalación. Admitidas todas as solicitudes presentadas.

O servizo realizarase unicamente no CEIP Castelao, ao non terse rexistrado solicitudes suficientes nos demais centros educativos. Contactarase telefonicamente coas familias que solicitaron noutra instalación para ofrecerlles praza no CEIP Castelao.

Listaxe provisional 12/02/26

Aínda quedan prazas dispoñibles, polo que o prazo de inscrición continuará aberto ata completar as prazas do CEIP Castelao.

--------------------------------------------------------------------------------------------------------------------------------------

Programa municipal de conciliación con actividades socioeducativas, deportivas e de tempo libre dirixido ás familias do Concello de Rianxo.

Datas de realización

16, 17 e 18 febreiro

Horario

dende as 08.00 a a 14.00 h

Persoas destinatarias

nenos e nenas nados entre 2014 e 2022 (incluídos).

Localizacións e prazas:

CEP Brea Segade (Taragoña): 15 prazas
CEIP Ana Mª Diéguez (Asados): 15 prazas
CEIP Castelao (Rianxo): 30 prazas

Documentación necesaria

Solicitude de inscrición (Descarga do modelo).
Volante de empadroamento (ou autorización para a súa comprobación).
Xustificación da necesidade de conciliación.

Calendario de inscrición

Presentación de solicitudes: do mércores 04 ao mércores 11 febreiro
Publicación listaxes provisionais e instalación solicitada: xoves 12 febreiro
Sorteo, de ser o caso: venres 13 de febreiro, ás 11.00 h
Listaxes definitivas: venres 13 de febreiro

Presentación de solicitudes

As solicitudes presentaranse no Rexistro do Concello de Rianxo, preferentemente por vía telemática, empregando o modelo oficial.

Entroido Rianxeiro 2026

2026-02-09T08:06:39Z

Entroido Rianxeiro 2026.

Dende o venres 13 ao sábado 21 de febreiro, organizado polo Concello de Rianxo e entidades asociativas.

Selección de 3 prazas de funcionario/a de carreira de Administrativos C1 (OPE 2025)

2026-03-06T12:09:18Z

PROCEDEMENTO DE SELECCIÓN PARA A COBERTURA EN PROPIEDADE POR OPOSICIÓN LIBRE DE 3 PRAZAS DE ADMINISTRATIVO/A, FUNCIONARIO DE CARREIRA (SUBGRUPO C1) DA ESCALA DE ADMINISTRACIÓN XERAL, SUBESCALA ADMINISTRATIVA (OPE 2025)

Anuncio de de aprobación das bases e convocatoria

Nota aclaratoria sobre o prazo de presentación de instancias (17/02/2026)

Publicación no BOE da corrección de prazos (19/02/2026)

Formulario de solicitude (25/02/2026)

Rectificación de erro material nas bases (BOP (26/02/2026)

Actividades de formación en linguas estranxeiras para estudantes de bacharelato

2026-02-04T12:57:49Z

A Consellería de Educación, Ciencia, Universidades e Formación Profesional convoca 647 axudas para a realización de actividades de formación en linguas estranxeiras durante o ano 2026, ao abeiro do procedemento ED504B.

Estas axudas están dirixidas ao alumnado de primeiro e segundo de bacharelato de centros sostidos con fondos públicos da Comunidade Autónoma de Galicia, co obxectivo de mellorar a competencia lingüística mediante estadías formativas no estranxeiro.

As actividades ofertadas inclúen cursos presenciais nos seguintes destinos:

Inglés en Canadá
Inglés no Reino Unido
Francés en Francia
Portugués en Portugal
Alemán en Alemaña

O custo total de cada actividade subvencionada inclúe:

Os gastos da viaxe desde o punto de saída dos distintos grupos.
A presenza de persoas monitoras acompañantes durante toda a actividade.
Os gastos de docencia e o material escolar.
As actividades culturais, deportivas e complementarias dos cursos.
Os gastos de manutención e aloxamento.
O certificado acreditativo de realización da actividade.
Un seguro de accidentes e de responsabilidade civil.

As datas de realización será da segunda semana de xullo a finais de agosto de 2026, agás as actividades de 2º de bacharelato, que se realizarán en agosto.
As datas concretas publicaranse coas listaxes definitivas do alumnado seleccionado.

O prazo de presentación de solicitudes permanecerá aberto do 4 de febreiro ao 3 de marzo de 2026, ambos incluídos.

Toda a información sobre a convocatoria e o procedemento de solicitude está dispoñible na sede electrónica da Xunta de Galicia - Procedemento ED504B.

Axudasle
Procedemento ED504B Actividades de formación en linguas estranxeiras

Axudas ao alumnado das universidades do SUG para estadías noutros países co obxecto de coñecer a súa lingua durante o verán

2026-02-04T12:39:27Z

A Xunta de Galicia abriu o prazo de solicitude das axudas para estadías noutros países dirixidas ao alumnado das universidades do Sistema universitario de Galicia (SUG), co obxectivo de favorecer a aprendizaxe de linguas estranxeiras durante o verán de 2026.

Os requisitos son:

Estar matriculado no curso 2025/26, como mínimo en 50 créditos, excluídos os recoñecidos, validados ou adaptados, en calquera das universidades do Sistema universitario de Galicia, en estudos universitarios oficiais conducentes a unha titulación de grao, e ter superado 60 créditos en 30 de setembro de 2025, excluídos tamén os recoñecidos, validados ou adaptados.
O curso de idiomas debe ser presencial, ter unha duración mínima de tres semanas, excluíndo as datas da viaxe, e un mínimo de 45 horas lectivas. O idioma que se desexe cursar deberá ser distinto do castelá e deberá corresponderse co idioma oficial do país elixido.

As actividades para as cales se solicita a axuda terán que ser realizadas presencialmente no período comprendido, exclusivamente, entre o 1 de xuño e o 31 de agosto de 2026, ambos incluídos.

A dotación económica por persoa beneficiaria será de:

1.200 euros para estadías en países de Europa
1.500 euros para estadías no resto do mundo

O prazo de presentación de solicitudes permanecerá aberto desde o 4 de febreiro ata o 3 de marzo de 2026, ás 23:59 horas.

Toda a información e o acceso ao procedemento están dispoñibles na sede electrónica da Xunta de Galicia.

Procedemento ED416A: Axudas ao alumnado das universidades do SUG para estadías noutros países co obxecto de coñecer a súa lingua durante o verán.

Certame de Carrozas e Disfraces en grupo - Entroido 2026

2026-02-02T12:12:57Z

O domingo 15 de febreiro, Rianxo acollerá o Certame de carrozas e disfraces en grupo do Entroido 2026, un evento de carácter popular e participativo. A tradición choqueira, a crítica satírica e a exaltación da cultura da festa serán os elementos clave desta celebración.

Podedes consultar as bases e formularios de inscricións nos seguintes enlaces (recomendamos a súa lectura):

Para máis información, pódese contactar co Auditorio de Rianxo (luns a venres, de 09:00 a 14:00 h), no teléfono 981 100 688 ou no correo cultura@concelloderianxo.gal.

Espectáculo Familiar, O arcón de Noa de Amarelo Producións

2026-01-30T07:16:41Z

Espectáculo de danza e fantasía, O arcón de Noa de Amarelo Producións.

DÍA: sábado 07 de febreiro
HORA: 19:00
LUGAR: sala Arcos Moldes do Auditorio
PÚBLICO DESTINATARIO: familiar con crianzas a partir de 2 anos
DURACIÓN: 40 minutos
ENTRADA: de balde ata completar capacidade. Retirada de convites dende unha hora antes do comezo da función (máximo 2 por persoa)

Proposta ao abeiro da Rede Cultural da Deputación da Coruña.

Noa é unha nena que vive coa súa nai nunha casa apartada, e non ten con quen xogar. No seu arcón garda os xoguetes que xa non a entreteñen. Todo parece vello e apagado no seu mundo solitario.

Pero un día, sen decatarse, activa un encantamento e entra no mundo máxico que habita no arcón, onde os xoguetes cobran vida e un ser misterioso goberna sobre eles.

A través da linguaxe da danza contemporánea, a utilización de obxectos e a interacción co dispositivo escénico, o espectáculo mostra múltiples situacións e personaxes guiados por unha narración clásica de conto de maxia e fantasía.

ACTOS CASTELAO, lecturas Un verán con Castelao

2026-01-22T12:22:33Z

LECTURAS: Lecturas dunha selección de textos do alumnado do IES Félix Muriel, participante no certame literario "Un verán con Castelao", de Nós Diario. Participarán Sofía Rama (docente do IES Félix Muriel), Xosé Ricardo Losada (escritor e docente do IES Félix Muriel), Xoán Costa (presidente do Consello de Administración de
Nós Diario) e Julián Bustelo (alcalde de Rianxo).

DÍA: sábado 31 de xaneiro
HORA: 20.30 h
LUGAR: salón de actos do Centro Sociocultural-Auditorio (primeiro andar)

ACTOS CASTELAO, ofrenda floral

2026-01-28T08:06:47Z

Ofrenda floral e intervención de autoridades. Acompañamento musical do grupo tradicional Fogo Fatuo.

De seguido presentarase no Pazo de Martelo o cadro Castelao da serie Yiban doado á Fundación Castelao polo artista Fernando Yáñez.

No caso de climatoloxía adversa os actos trasladaranse ao Pazo de Martelo.

DÍA: sábado 31 de xaneiro
HORA: 12.00 h
LUGAR: Paseo da Ribeira (busto de Castelao)