Educación e Cultura

- "Os fabulosos Cleaners" de Malasombra, no Auditorio de Rianxo - Concello de Rianxo

INFORMACIÓN XERAL

Centro Sociocultural - Auditorio
Rúa dos autores da Rianxeira s/n, Rianxo

981 100 688

cultura@concelloderianxo.gal

Concellería de  Cultura, Museos e Mocidade; Festas e Centros socioculturais​​​​​​​

horario de inverno:
​​​​​​​luns: 08.00 - 15.00
martes - venres: 08.00 - 15.00
 

horario de verán:
luns - venres: 08.00 - 14.00
​​​​​​​

Educación e Cultura

"Os fabulosos Cleaners" de Malasombra, no Auditorio de Rianxo

O sábado 2 de xuño, ás 20.00 horas,  a compañía Malasombra trae ao escenario da sala Arcos Moldes do Auditorio de Rianxo Os fabulosos cleaners, un sorprendente espectáculo visual con pompas de xabón.

Está recomendada para público familiar, con nenos e nenas a partir de 3 anos.

A entrada é de balde ata completar capacidade. A retirada deberá facerse unha hora antes do comezo do espectáculo na billeteira do auditorio.

A proposta está enmarcada no programa Rede Cultural da Deputación da Coruña.

OS FABULOSOS CLEANERS é un espectáculo de pompas de xabón para todos os públicos. Unha experiencia visual para participar toda a familia.

O autor alacantino Luis Beviá, que percorreu medio mundo co seu universo xabonoso (Londres, Hong-Kong, México, Colombia, Perú, Cuba, Grecia ou Islandia, entre outros) dirixe a parte técnica deste sorprendente espectáculo.

Dous operarios da limpeza do teatro, descobren por casualidade as posibilidades que lles ofrecen as súas ferramentas de traballo combinadas con auga e xabón. A partir de aí, os personaxes emprenderán unha excitante viaxe conducidos polas fantásticas pompas e burbullas.

O público sorprenderase e gozará con estas máxicas burbullas; pompas transparentes, con fume, con vapor, pequeñas, grandes, estáticas ou voando polo escenario. O espectador camiñará da man destes personaxes por un mundo máxico, cheo de cor e de moito, moito humor, e verase sorprendido dentro dun patio de butacas repleto de miles de pompas de xabón.