Deportes

- III Marcha BTT Concello de Rianxo - concelloderianxo

Actividades

Actualidade

III Marcha BTT Concello de Rianxo

O 22 de febreiro celebrarase a III Marcha BTT Concello de Rianxo, organizada pola Peña Cicloturista Castro Barbudo coa colaboración do Concello de Rianxo. O programa é o seguinte:
  • 8:00 h.      Recollida de dorsais
  • 9:30 h.      Saída das marchas do Porto de Rianxo
  • 14:30 h.    Hora estimada da chegada.

O obxectivo  desta proba é a promoción do cicloturismo en Rianxo, ao tempo que serve de escaparate ao noso pobo e ás súas posibilidades como recurso turístico, deportivo e recreativo. A proba pretende ser accesible a calquera tipo de afeccionado ao ciclismo, desde o principiante ata o mais experimentado, para o cal a marcha contará con tres rutas con distancias e niveis de dificultade distintos: Iniciación (27 km.), Marcha (45 km.) e Maratón (70 km). Os ciclistas deberán ser maiores de 18 anos ou maiores de 15 con autorización e está aberto a federados e non federados.

Inscricións
A través de ChampionChip Norte. Este ano increméntase a 600 participantes pola bora acollida que tivo o ano pasado.

Rutas
A saída da proba está organizada no porto de Rianxo, onde se prestarán os servizos e atencións aos participantes e se derá a saída. Podes acceder aos tracks en www. castrobarbudo.com:

  • Iniciación (verde): 27 km
    • Dificultade técnica: media 
    • Forma física: baixa-media
  • Marcha (azul): 45 km
    • Dificultade técnica: alta
    • Forma física: alta
  • Maratón (vermella): 70 Km
    • Dificultade técnica: moi alta
    • Forma física: moi alta

Servizos
A organización da proba vaise centralizar no porto de Rianxo. Alí, os participantes disporán de:

1. Zona de aparcamento
2. Puntos de lavado de bicicletas
3. Local de recollida de dorsais e entrega de premios
4. Duchas para os participantes.
5.- Dous puntos de avituallamento (1 de sólidos e outro de líquidos) ao longo das rutas.

Mais información en www.castrobarbudo.com e no evento de facebook III Marcha BTT Concello de Rianxo.