Concello de Rianxo

Concerto SÉS no Araño

2026-05-13T10:40:48Z

Concerto SÉS no Araño.

DÍA: sábado 23 de maio
LUGAR: Carballeira de Baia. Araño

Proposta ao abeiro da Rede Cultural da Deputación da Coruña

EXPOSICIÓN: Laíño. Reinicio. Obra plástica

2026-05-12T11:35:10Z

EXPOSICIÓN: Laíño. Reinicio. Obra plástica.

DATAS: do 15 de maio ao 15 de xuño.
HORARIO: De luns de 10.00 a 14.00 h. De martes a sábado de 11.00 a 13.00 e de 17.00 a 20.00 h.
LUGAR: sala de exposicións do Centro Sociocultural-Auditorio.
APERTURA DA EXPOSICIÓN: venres 15 de maio ás 20.30 horas.

Laíño, nado na Barraca, Asados (Rianxo), alá polo 1968, sempre gustou de debuxar. De moi neno ganou os seus primeiros premios escolares e un que convocaban para a rapazada nas Festas da Guadalupe. Estudou Música e, durante catro décadas, foi saxofonista nas bandas castrenses de infantaría de mariña no Ferrol e Marín. Abandonou case por completo as artes plásticas. Sempre o resumiu con retranca: “a corchea é a que me paga as facturas e o pincel é o que me proporciona satisfacción persoal”. Pasados os anos, retomou a súa verdadeira vocación e comezou a experimentar co óleo de xeito totalmente autodidacta.
Participou en diversas exposicións, tanto individuais como colectivas, por todo o territorio galego, Sevilla, Madrid, Lleida, Cádiz, Xerez, Porto, Lisboa, París… Ten obra repartida por diferentes países, desde Rusia a EE.UU. Acadou premios e foi seleccionado en concursos de pintura en Galicia e en diferentes cidades de España. E tamén ilustrou textos de autores rianxeiros. Cursou dous anos de Belas Artes na Facultade de Pontevedra (carreira que ten pendente rematar) e actualmente estuda Historia da Arte na UNED. Na travesía de Boston a Marín, enrolado como membro da banda militar do Juan Sebastián Elcano, inciou -sen decidilo nin desexalo- unha nova pausa na súa tarefa plástica. Transcorreron dez anos… Agora, volve aos pinceis.

Programa “Galicia Suma Talento: Rural Activo”

2026-05-12T10:44:02Z

O Concello de Rianxo, en colaboración coa Consellería de Emprego, Comercio e Emigración, vai presentar oferta de emprego no Servizo Público de Emprego de Galicia, na súa oficina de Boiro, para a contratación de 4 peóns/peoas forestais para o Servizo de Limpeza de Montes e outras tarefas de valorización forestal dento do programa “Galicia Suma Talento: Rural Activo”.

As persoas traballadoras que se contraten para a realización das obras e servizos e polas que se outorgue a subvención deberán ser persoas desempregadas inscritas no Servizo Público de Emprego de Galicia como demandantes non ocupadas e estar dispoñibles para o emprego. Estes requisitos deberán cumprirse tanto no momento da selección como no da formalización do contrato de traballo vinculado a programas de políticas activas de emprego.

Anuncio

Bases de selección

Publicación da listaxe inicial de persoas aspirantes (11/05/2026)

Listaxe inicial de persoas aspirantes recibida do SPEG

Publicación das datas de realización das probas 12-05-2026

Cronograma do proceso

PEL CONCELLOS

2026-05-12T16:39:23Z

O Concello de Rianxo, en colaboración coa Deputación da Coruña, vai presentar oferta de emprego no Servizo Público de Emprego de Galicia, na súa oficina de Boiro, para a contratación de 1 condutor-a para o Programa de integración laboral - PEL CONCELLOS.

As persoas traballadoras que se contraten para a realización das obras e servizos incluídos neste programa deberán ser persoas desempregadas inscritas no Servizo Público de Emprego de Galicia como demandantes non ocupadas e estar dispoñibles para o emprego; os demais requisitos están recollidos nas bases da convocatoria.

Anuncio

Bases de selección

Publicación da listaxe inicial de persoas aspirantes

Listaxe inicial de persoas aspirantes

Concilia Verán 2026

2026-05-10T15:34:22Z

Publicadas as bases e o calendario de inscrición do Concilia Verán 2026, que inclúe o campamento e o Plan Madruga de Verán, e que se desenvolverá do 22 de xullo ao 4 de setembro.

Como novidade este ano, o horario do campamento será de 10:00 a 14:00 horas, ademais de ampliarse á primeira semana de setembro.

O período de inscrición permanecerá aberto desde o luns 11 de maio ata o luns 25 de maio, ambos incluídos.

Recoméndase ler atentamente as bases de inscrición.

Bases e calendario de inscricións

BASES E CALENDARIO DE INSCRICIÓN

2026-05-13T08:56:10Z

Descrición

Campamento

Servizo de apoio á conciliación da vida familiar e laboral das familias do concello, cun programa de actividades socioeducativas, deportivas e de tempo libre.

Plan Madruga

Espazo de recepción e coidado dos nenos e nenas nas horas previas á actividade Campamento.

Calendario de actividades

Poderase realizar a inscrición ou ben para o campamento completo ou elixir un dos meses:

Completo: do 22 de xuño ao 04 de setembro.
Mes Xullo: xuño e xullo.
Mes Agosto: agosto e setembro

Horario

Campamento: de luns a venres, de 10.00 a 14.00 h (agás festivos)
Plan Madruga: de luns a venres, dende as 08.00 a 10.00 h (agás festivos).

Persoas Destinatarias

Nenos e nenas nados entre o 2014 e o 2022, ambos incluídos.

Lugar

IES Félix Muriel Rianxo– CEP Brea Segade Taragoña – CEIP Ana Mª Diéguez Asados

Prazas

Campamento: 195 prazas para campamento completo e 60 prazas por bloques (xullo / agosto)

IES Félix Muriel: 105 prazas para campamento completo.
CEP Brea Segade: 60 prazas para campamento completo.
CEIP Ana Mª Diéguez: 30 prazas para campamento completo.

Plan Madruga: 60 prazas

Para a realización das actividades, Campamento e Plan Madruga, deber haber un grupo mínimo de 10 participantes. O número de prazas por instalación pode variar e/ou adxudicarse a outra instalación no caso de que non se acade ese número mínimo.

Para participar no Plan Madruga é obrigatorio participar tamén no Campamento de Verán.

Cota de Inscrición

Campamento:

Completo: 150 euros
Un mes (xullo ou agosto): 75 euros

Plan Madruga:

Completo: 40 euros
Bloque xullo ou agosto: 20 euros por bloque

DESCONTOS (só no servizo de campamento)

2 irmáns inscritos no servizo
- Completo: 140 euros
- Un mes (xullo ou agosto): 70 euros
3 ou máis irmáns inscritos no servizo, familias monoparentais e familias numerosas.
- Completo: 130 euros
- Un mes (xullo ou agosto): 65 euros

Criterios de prioridade

Nenos/as empadroados/as ou cos proxenitores/titores legais empadroados no Concello de Rianxo, con necesidades xustificadas de conciliación por parte de ambos proxenitores ou do proxenitor/a que teña a custodia, e que se inscriban no campamento completo.
Nenos/as empadroados/as ou cos proxenitores/titores legais empadroados no Concello de Rianxo, con necesidades xustificadas de conciliación por parte de ambos proxenitores ou do proxenitor/a que teña a custodia, que se inscriban en un dos bloques.
Nenos/as empadroados/as ou cos proxenitores/titores legais empadroados no Concello de Rianxo e que se inscriban no campamento completo.
Nenos/as empadroados/as ou cos proxenitores/titores legais empadroados no Concello de Rianxo, que se inscriban nun dos bloques.
Non empadroados/as en Rianxo, con proxenitores/titores legais que traballen neste termo municipal e presenten necesidade de conciliación, e que se inscriban no campamento completo.
Non empadroados/as en Rianxo, con proxenitores/titores legais que traballen neste termo municipal e presenten necesidade de conciliación, que se inscriban nun dos bloques.
Resto de solicitantes.

Entendese por necesidades xustificadas de conciliación que os proxenitores/titores estean en condición acreditada de ocupación laboral, dependencia, atención a persoas dependentes ou participantes no sistema de educación ou formación regrada oficial.

No momento da inscrición marcarase a preferencia de localización e, para os efectos do sorteo, farase valer esa preferencia.

Documentación para a inscrición

Ficha de inscrición
Volante de empadroamento (ou autorización para a súa comprobación)
Xustificación das necesidades de conciliación:
- por traballo dos proxenitores: certificado de empregado público, informe de vida laboral actual, alta na Seguridade Social ou certificado laboral de empresa.
- participantes no sistema de educación ou formación regrada oficial: copia de matrícula, certificado de estudos en vigor ou xustificante de participación emitido polo organismo.
- por atención de persoas dependentes ou dependencia proxenitores: certificado de dependencia.
- no caso de divorcio ou separación, copia da custodia.
Certificado de familia monoparental
Título de familia numerosa

Calendario inscrición

Presentación de solicitudes: do luns 11 ao luns 25 de maio (ambos incluídos)
Publicación listaxes solicitantes: mércores 27 de maio
Presentación de reclamacións: mércores 27 e xoves 28 de maio

Listaxes definitivas: venres 29 de maio

Sorteo, no caso de ser necesario: venres 29 de maio, ás 13.00 h.
Matrícula e abono da cota: do luns 08 ao martes 16 de xuño
Publicación das listaxes de participantes e grupos: xoves 18 de xuño
Reunión de presentación: venres 19 de xuño
Inicio campamento: luns 22 de xuño

Presentación de solicitudes

As solicitudes deberán presentarse do luns 11 ao luns 25 de maio (ambos incluídos), no rexistro do Concello de Rianxo, segundo o modelo Solicitude de inscrición no Campamento de Verán, e, preferentemente, de forma telemática.

Todas as solicitudes presentadas a partir do 26 de maio non participarán no sorteo, no caso de habelo, e irán, en orde de inscrición por data e hora, ao final da listaxe de reserva xerada por este.

A presentación da solicitude implica a aceptación das normas deste procedemento.

Publicación listaxes de solicitantes e presentación de reclamacións/emenda de documentación

O mércores 27 de maio publicaranse na web do Concello a listaxe das persoas que solicitan praza no Campamento de Verán Rianxo 2026. Para estes efectos, publicarase o número de rexistro e as iniciais da crianza.

A emenda de documentación requirida ou as reclamacións a esta listaxe poderán presentaranse os días 27 e 28 de maio no Rexistro do Concello de Rianxo, preferentemente de forma telemática.

Adxudicación de prazas

A praza é persoal e intransferible.

A adxudicación pode ser:

Por adxudicación directa, se ao remate do prazo de inscrición (25 maio) a demanda non supera o número de prazas dispoñibles:

Primeiro adxudícanse as prazas aos solicitantes en prazo.
No caso de non cubrirse, as prazas restantes, ata completar as 210 dispoñibles, cubriranse coas solicitudes feitas a partir do 25 de maio, por orde de inscrición en data e hora.
Unha vez cubertas as prazas totais pasarán a formar parte dunha listaxe de reserva.

Por sorteo, empregando medios informáticos, no suposto de que o número de solicitudes supere o número de prazas dispoñibles. O sorteo realizarase seguindo os criterios de prioridade e a preferencia de instalación. O sorteo xerará tamén a listaxe de reserva.

As solicitudes dos irmáns poderán vincularse para participar no sorteo de xeito conxunto, cun único número. De non facelo, cada irmán participaría participará de forma independente co seu propio número.

O día 29 de maio publicaranse na web do Concello de Rianxo as listaxes das persoas admitidas e as de agarda.

Pagamento

As persoas participantes seleccionadas deberán realizar o pagamento entre os días luns 08 ao martes 16 de xuño, ambos incluídos.

Para realizar o pagamento, o Concello facilitaralles un recibo, o cal poderán recollelo presencialmente no Centro Sociocultural Auditorio de Rianxo, ou solicitar o seu envío por correo electrónico ou mensaxería instantánea.

En caso de non realizar o pagamento no prazo establecido e de seguir interesado na praza, sempre que haxa dispoñibilidade de prazas, deberá solicitarse un novo recibo coa actualización do recargo correspondente.

Documentación (só no caso de ser necesaria)

A seguinte documentación deberá presentarse unicamente cando sexa necesaria, mediante presentación no rexistro do Concello:

Informe médico.
Cuestionario médico – autorización
Autorización de saída do/a menor pola súa conta: Só poderán saír pola súa conta, no horario establecido, os/as menores de 10 anos ou máis.

Renuncia a praza obtida

No caso de que se obteña praza e finalmente non se vaia facer uso dela, deberá comunicalo por escrito, ben mediante rexistro do concello ou correo electrónico a campamento@concelloderianxo.gal, ata o martes 16 de xuño.

No caso de que non comunique a renuncia a praza, deberá realizar o aboamento do recibo.

Adxudicación de prazas ás listaxes de reserva

As vacantes que se produzan por non presentar a documentación, por presentala fóra do prazo establecido ou por renunciar á praza obtida no sorteo, seranlles ofertadas, seguindo a orde da listaxe de reserva, ás persoas suplentes, do mesmo grupo de idade que a praza vacante. Esta adxudicación comunicarase mediante unha chamada telefónica. Para os efectos de determinar o grupo, utilizaranse os publicados o día 18 de xuño.

Chamarase á persoa interesada un mínimo de tres veces durante o prazo que vai desde o día que se produce a vacante ata as 14:00 h do día seguinte. De non contactar coa persoa interesada, esta pasará ao final da listaxe e chamarase á seguinte.

Unha vez recibida a comunicación e aceptada a praza, deberán presentar a documentación no prazo de 48 horas. No caso de non presentar a documentación nese prazo, a praza ofreceráselle á seguinte persoa da listaxe de espera.

A xestión da listaxe de reserva farase exclusivamente desde a Oficina de Xuventude.

Formación de grupos

Os grupos formaranse segundo data de nacemento.

Só excepcionalmente, e de forma xustificada e documentada, valorarase a posibilidade de facer o cambio de grupo.

Devolución da cota

Unha vez obtida a praza e aboado o importe correspondente, no caso de que a persoa interesada non poida asistir á actividade por causa xustificada, deberá solicitar a devolución mediante rexistro antes de que finalice o prazo de inscrición (18 de xuño).

As solicitudes de devolución presentadas fóra do prazo establecido serán denegadas, con independencia da causa alegada.

Comunicación coas familias

Todas as comunicacións do proceso de inscrición realizaranse a través da páxina web: https://concelloderianxo.gal/campamento2026.

Non se realizaran avisos individuais, nin por correo electrónico nin por teléfono.

Unha vez comece o campamento, as comunicacións precisas realizaranse:

na páxina web https://concelloderianxo.gal/campamento2026
nos grupos de difusión de WhatsApp e grupos de difusión de telegram. A comezos do campamento publicaranse na páxina web os enlaces para unirse aos grupos.

Asemade, habilitarase un teléfono ao que as familias poden dirixirse para deixar avisos, que se fará público no comezo do campamento.

Queixas e suxestións

As persoas participantes poderán presentar por escrito todas as suxestións ou reclamacións que consideren oportunas durante o desenvolvemento do Campamento de Verán Rianxo 2026 ou no momento do seu remate.

Igualmente, poderán deixar constancia do grao de satisfacción obtido coa actividade desenvolvida e todos os comentarios ou suxestións que queiran facer ao respecto, para o que deberán cubrir o formulario de enquisa que se lles facilitará ao rematar ao campamento.

Imaxes

A participación nesta actividade poderá comportar a captación de imaxes, fotografías, vídeos, vídeos con voz, material gráfico, etc. (en diante, “imaxes”) da persoa participante na actividade, e a súa publicación a través dos medios de difusión corporativos das iniciativas e actividades do Concello de Rianxo, tales como páxinas web, redes sociais, álbums, informes/documentos derivados da actividade e noutros medios de comunicación social. Debe autorizar ou rexeitar a devandita captación e publicación de imaxes, que se entenderá feita a título gratuíto e sen límite temporal, no formulario de inscrición.

Protección de datos

Os datos persoais pasarán a formar parte dun ficheiro electrónico propiedade do Concello de Rianxo coa única finalidade de proceder á inscrición na actividade para a que se proporcionan os datos.

Serán cedidos á empresa adxudicataria os datos identificativos e de contacto dos participantes, así como aqueles datos de saúde ou observacións necesarios para o bo desenvolvemento da actividade.

Os datos persoais das persoas participantes poderán ser comunicados á Xunta de Galicia, no caso de que así o requiran, cando este servizo estea subvencionado no marco do programa Plan Corresponsables.

Pode exercer os dereitos de acceso, rectificación, portabilidade e supresión dos seus datos e os de limitación e oposición ao seu tratamento dirixíndose ao Concello de Rianxo, Praza Castelao, 1, 15920 Rianxo, correo electrónico dpd@concelloderianxo.gal, ou mediante o procedemento habilitado para o efecto da Sede Electrónica: sede.concelloderianxo.gal. Se considera que o tratamento non se axusta á normativa vixente, poderá presentar unha reclamación perante a autoridade de control en www.aepd.es. Datos de contacto do delegado de protección de datos: Ramón Santos Pérez, dpd@concelloderianxo.gal

FESTIVAL HÓRREO VIVO

2026-05-08T10:16:45Z

FESTIVAL HÓRREO VIVO, organizado pola Asociación Cultural A Carballeira de Baia coa colaboración do Concello de Rianxo.

DÍA: venres 22 e sábado 23 de maio
LUGAR: Carballeira de Baia (Araño)

Concerto Retrincos, a cargo da Banda da Escola de Música de Rianxo e Teatro Airiños

2026-05-07T12:04:14Z

Concerto Retrincos, a cargo da Banda da Escola de Música de Rianxo e Teatro Airiños. XXIII Aniversario Letras Galegas 2026.

DÍA: sábado 16 de maio
HORA: 20.30 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Ciclo Primavera, concerto Lucus Ensemble. Percorrendo Castelao.

2026-04-28T11:14:40Z

Ciclo Primavera, concerto Lucus Ensemble. Percorrendo Castelao.

DÍA: sábado 23 de maio
HORA: 20.30 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Ciclo Primavera, concerto Dúo Aira. Aitana Alcalde (fagot) e Aldara Muíños (clarinete).

2026-04-28T10:22:02Z

Ciclo Primavera, concerto Dúo Aira. Aitana Alcalde (fagot) e Aldara Muíños (clarinete).

DÍA: venres 8 de maio
HORA: 20.30 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

CANCELADO. Serán de Rianxo organizado pola Asociación Vai de Roda

2026-05-07T11:18:13Z

CANCELADO

Serán de Rianxo organizado pola Asociación Vai de Roda coa colaboración do Concello de Rianxo.

DÍA: sábado 09 de maio
LUGAR: Campo de Arriba de Rianxo

Recital poético con micro aberto no marco da Xeira en Rianxo

2026-04-22T10:43:32Z

Recital poético con micro aberto no marco da Xeira en Rianxo da Asociación Cultural Mesa das Verbas.

DÍA: venres 08 de maio
HORA: 18.00 h
LUGAR: salón de Actos do Auditorio de Rianxo

Festa da salchicha no Araño

2026-04-22T10:25:00Z

Festa da salchicha no Araño.

DÍA: venres 01 de maio
HORA: dende as 13.00 h
LUGAR: no Souto en Buía no Araño

Selección de 3 prazas de funcionario/a de carreira de Administrativos C1 (OPE 2025)

2026-05-13T09:33:58Z

PROCEDEMENTO DE SELECCIÓN PARA A COBERTURA EN PROPIEDADE POR OPOSICIÓN LIBRE DE 3 PRAZAS DE ADMINISTRATIVO/A, FUNCIONARIO DE CARREIRA (SUBGRUPO C1) DA ESCALA DE ADMINISTRACIÓN XERAL, SUBESCALA ADMINISTRATIVA (OPE 2025)

Anuncio de de aprobación das bases e convocatoria

Nota aclaratoria sobre o prazo de presentación de instancias (17/02/2026)

Publicación no BOE da corrección de prazos (19/02/2026)

Formulario de solicitude (25/02/2026)

Rectificación de erro material nas bases (BOP (26/02/2026)

Listaxes provisionais de persoas admitidas e excluídas e nomeamento do tribunal (22/04/2026)

Listaxe definitiva de persoas admitidas e data da proba (08/05/2021)

Data e lugar do primeiro exercicio: 3 de xuño no pavillón polideportivo de Taragoña https://maps.app.goo.gl/2JTX6o1VDS3DA25L7

Ciclo Primavera, Orfeón Terra a Nosa. Concerto do 60 aniversario

2026-04-16T12:09:51Z

Ciclo Primavera, Orfeón Terra a Nosa. Concerto do 60 aniversario

DÍA: sábado 25 de abril
HORA: 20.30 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Ciclo Primavera, concerto Cuarteto MarAslens

2026-04-16T12:03:51Z

Ciclo Primavera, concerto Cuarteto MarAslens. Esperanza Mara (voz e chelo), Juanma Varela (piano), Fernando Docampo (violín e instrumentos de sopro) e Luís Sanmartín (percusión e batería).

DÍA: venres 24 de abril
HORA: 20.30 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

Curso de monitor/a de tempo libre

2026-04-15T11:43:01Z

Rematado o prazo de inscrición, non se acadou o número mínimo de persoas inscritas necesario para a realización do curso.

En breve publicarase unha nova convocatoria para levalo a cabo durante o mes de xullo.

Ás persoas inscritas contactaráselles mediante correo electrónico para comunicarlles as novas datas e confirmar se desexan manter a súa inscrición.

__________________________________________________________________________________________________________________

Curso de monitor/a de tempo libre (normativa establecida no Decreto 50/2000, do 20 de xaneiro, polo que se refunde e actualiza a normativa vixente en materia de xuventude, e polo Decreto 58/2012, do 12 de xaneiro, polo que se modifica o Decreto 50/2000 e se adapta á Directiva 2006/123/CE, para a obtención do Título Oficial de Monitor de Tempo Libre en Galicia.)

Duración

Fase teórica-práctica: 200 horas
Fase práctica: 150 horas

Datas formación

Abril: 18, 19, 25, 26
Maio: 9, 10, 16, 17, 23, 24, 30, 31
Xuño: 13, 14, 20, 21, 27, 28, 29, 30.

Requisitos obrigatorios

Ter 18 ou máis anos o día que da comezo o curso
Estar en posesión dos estudios mínimos obrigatorios (ESO ou similar).

Prezo

240 euros.

Prazo de inscrición

ata o 13 de abril.

Bases e ficha de inscrición

Acción de Verán 2026: Campamentos e minicampamentos

2026-04-15T08:14:34Z

A Xunta de Galicia convoca o programa Acción de Verán 2026, que inclúe campamentos de verán tanto en Galicia como noutras comunidades autónomas, así como os minicampamentos “Coñece Galicia”, unha atractiva proposta de lecer educativo para a época estival.

Os campamentos desenvólvense en quendas de entre 8 e 12 días durante os meses de xullo, agosto e setembro, mentres que os minicampamentos ofrecen estancias de 5 días en distintos puntos da xeografía galega.

O programa combina actividades variadas (náuticas, deportivas, ambientais, artísticas, científicas, agrícolas ou relacionadas co Camiño de Santiago) e busca desenvolver habilidades nas persoas novas, fomentar o coñecemento do patrimonio galego e promover o respecto polo medio ambiente.

As persoas mozas residentes en Galicia poderán solicitar a súa participación nas actividades da campaña sempre que cumpran os requisitos de idade establecidos para cada programa e conten con DNI ou NIE en vigor no momento de presentar a solicitude.

No caso da Campaña de Verán 2026, poderán participar menores nados entre 2008 e 2017: os máis novos deberán ter cumpridos os 9 anos ao inicio da actividade, mentres que os maiores non poderán acadar os 18 anos antes de que remate o campamento.

A inscrición poderá facerse a partir do 16 de abril a través da sede electrónica da Xunta de Galicia -procedemento BS303A.

Colaboración no financiamento dos Servizos Sociais

2026-04-14T11:55:03Z

A Deputación da Coruña publicou no BOP núm. 48 do 12 de marzo de 2026, a resolución pola que aproba a concesión definitiva de subvencións correspondente ao programa FOPPSS: PROGRAMA DE FINANCIAMENTO DOS SERVIZOS SOCIAIS COMUNITARIOS MUNICIPAIS NO ANO 2026.

O Concello de Rianxo figura como entidade beneficiaria cos seguintes módulos e contías:

	CONCELLO DE RIANXO	Exp: 2025000045807
MÓDULO	MÓDULO SUBVENCIONADO	ACHEGA MÁX.
I	Persoal administrativo grupo C1 ou C2	18.000,00 €****
II	Persoal técnico A2	22.000,00 €
IV	Persoal auxiliar SAF libre concorrencia - Horas concedidas 4.000,00	56.000,00 €
TOTAL		96.000,00 €

DÍA DO LIBRO, proxección e coloquio do documental A Rebelión da Lectura de Espazo Lectura

2026-04-14T08:47:42Z

DÍA DO LIBRO, A Rebelión da Lectura de Espazo Lectura proxección do documental e coloquio coas directoras Asun G. Losada e Alma Alonso.

Proposta promovida pola Deputación da Coruña e a colaboración do Concello de Rianxo.

DÍA: xoves 23 de abril
HORA: 19.00 h
LUGAR: sala Arcos Moldes do Auditorio
DURACIÓN: 98 minutos (documental)
ENTRADA: de balde ata completar capacidade.

O fomento da lectura ten unha dimensión humana capaz de transcender a racionalidade, por iso prende, coma un feitizo, nos ollos das persoas. Probablemente ese sexa un dos motivos polos que, vinte anos despois da súa creación a mans dun pequeno grupo de persoas, Espazo Lectura se converteu nun insólito referente do activismo cidadá a favor do libro e a lectura. O documental ‌A rebelión da lectura foi capaz de penetrar nos ollos dos protagonistas para descubrirnos como se produciu ese abraiante milagre.
As imaxes e as voces envolventes do voluntariado da lectura fannos partícipes dese exercicio de xenerosidade compartida que se proxectou a través da ilusión e do entusiasmo.‌

Concerto especial de Uxía Senlle: Cancións Begoñísimas, tecedeira de soños

2026-04-14T08:47:21Z

Concerto especial de Uxía Senlle: Cancións Begoñísimas, tecedeira de soños.

Unha proposta nova e íntima de Uxía Senlle, que acompañada na arpa de Bleuen LeFriec, interpretará as cancións dedicadas á súa grande amiga, Begoña Caamaño, homenaxeada este ano no Día das Letras Galegas.

DÍA: venres 17 de abril
HORA: 21.00 h
LUGAR: sala Arcos Moldes do Auditorio
ENTRADA: de balde ata completar capacidade. Recollida de convites dende unha hora antes do comezo do concerto na billeteira do auditorio (máximo 2 por persoa)

Proposta ao abeiro do Programa de dinamización lingüística Faladeres da Xunta de Galicia coa colaboración do Concello de Rianxo.

HOMENAXE A JOSÉ MARÍA VICENTE SOMOZA

2026-04-22T07:54:11Z

HOMENAXE A JOSÉ MARÍA VICENTE SOMOZA, Polo 50 Aniversario do achado do Casco de Leiro.

DÍA: venres 17 de abril
HORA: 19.00 h
LUGAR: Pazo de Martelo (Rianxo)

Organizado pola Asociación Etnolóxica ADMR Castelao co colaboración do Concello de Rianxo

Veladas de primavera 2026

2026-04-14T08:34:35Z

Veladas de primavera 2026 nas Escolas Vellas da Atalaia de Asados, organizadas polo Grupo de Teatro Airiños coa colaboración do Concello de Rianxo, da Deputación da Coruña e da Asociación A Leoira.

DOMINGO 19 DE ABRIL - 18.30 h. Mesa de creadoras

Coloquio con Xoana Almar (Cestola), Baia Fernández, Sabela Galbán Rodríguez Rianxeira e Patricia de Lorenzo (Grupo Chévere)

SÁBADO 2 DE MAIO - 20.30 h. Tribial cabareteiro

O concurso máis divertido da man de Teatro Airiños. Inscribe o teu equipo enviando un correo a contacto@teatroairinhos.gal

VENRES 5 DE XUÑO - 20.00 h. Mostra de teatro da Escola de teatro Airiños

Cos grupos Teatrinkis e Pataka Makabra

DOMINGO 7 DE XUÑO - 19.00 h. Concerto

Merendola desconcertante. Cuarteto deBiselas. Espectáculo promovido pola Deputación da Coruña no marco do programa da Festa da Música.

Namórate da Aldea, na Área Recreativa As Miráns (Araño)

2026-04-14T08:21:45Z

Namórate da Aldea: con andaina guiada polo té con Emilio Saborido, experiencia gastronómica con Alberto Carou, degustacións de viño e vermú de Cazapitas e Lodeiros, concurso de licores caseiros, teatro infantil Calaveras Circus e concerto acústico con Minguante.

DÍA: sábado 18 de abril
HORA: dende ás 16.00 h
LUGAR: Área Recreativa As Miráns-Campo da Ponte

Festival infantil de música e baile tradicional TR3S PRA'3

2026-04-06T10:09:18Z

TR3S PRA 3, o Festival infantil de música e baile tradicional, terá lugar no próximo sábado, 11 de abril, ás 17.00 h, na sala Arcos Moldes do Auditorio de Rianxo. O evento é organizado pola asociación Vai de Roda, en colaboración co Concello de Rianxo.

Nesta edición, contarase coa participación dos amigos de A. C. Xacarandaina e Lembranzas do Tambre de Oroso, que compartirán escenario cos artistas locais. O obxectivo do festival é promover a música e a danza tradicional entre os nenos e as familias, estimulando o coñecemento e a valorización da cultura popular galega.

Máis información:

Facebook da asociación Vai de Roda
Instagram da asociación Vai de Roda

Concello de Rianxo

Concerto SÉS no Araño

EXPOSICIÓN: Laíño. Reinicio. Obra plástica

Programa “Galicia Suma Talento: Rural Activo”

PEL CONCELLOS

Concilia Verán 2026

BASES E CALENDARIO DE INSCRICIÓN

FESTIVAL HÓRREO VIVO

Concerto Retrincos, a cargo da Banda da Escola de Música de Rianxo e Teatro Airiños

Ciclo Primavera, concerto Lucus Ensemble. Percorrendo Castelao.

Ciclo Primavera, concerto Dúo Aira. Aitana Alcalde (fagot) e Aldara Muíños (clarinete).

CANCELADO. Serán de Rianxo organizado pola Asociación Vai de Roda

Recital poético con micro aberto no marco da Xeira en Rianxo

Festa da salchicha no Araño

Selección de 3 prazas de funcionario/a de carreira de Administrativos C1 (OPE 2025)

Ciclo Primavera, Orfeón Terra a Nosa. ​​​​​​Concerto do 60 aniversario​​​​​​​

Ciclo Primavera, concerto Cuarteto MarAslens

Curso de monitor/a de tempo libre

Acción de Verán 2026: Campamentos e minicampamentos

Colaboración no financiamento dos Servizos Sociais

DÍA DO LIBRO, proxección e coloquio do documental A Rebelión da Lectura de Espazo Lectura

Concerto especial de Uxía Senlle: Cancións Begoñísimas, tecedeira de soños

HOMENAXE A JOSÉ MARÍA VICENTE SOMOZA

Veladas de primavera 2026

Namórate da Aldea, na Área Recreativa As Miráns (Araño)

Festival infantil de música e baile tradicional TR3S PRA'3

Ciclo Primavera, Orfeón Terra a Nosa. Concerto do 60 aniversario