Campamento Urbano e Deportivo 2016
Chegou o campamento ao seu final e para despedilo fixemos unha festa no Campo de Arriba e a Acampada no Pavillón de Taragoña, toda unha experiencia inesquecíbel. Ata o ano que ven!!!!
Esta semana parte do campamento participou na actividade promovida pola Xunta de Galicia "O sabor da aventura está no mar". Os nenos e nenas visitaron o porto e a lonxa, o Museo do Mar e por último realizaron unha degustación de productos do mar:
Esta semana estivemos facendo xogos con música e bailes, ademais de manualidades para engalarnos para a recta final do campamento:
Esta semana introducimonos no mundo de dúas partes esenciais do circo: a maxia e o humor, e fixemolo a través de manualidades, xogos, ....
A actividade deportiva non para, e estas semanas estivemos facendo actividades con implementos e xogos populares, dende a corda, brilé, peletre, chapas,....
VENRES 5 DE AGOSTO: PELÍCULA NO AUDITORIO
O venres 5 de agosto estaremos no Auditorio de Rianxo vendo a película "Campanilla, Hadas y Piratas". O horario do campamento será o habitual, de 10:30 a 13:30, e o punto de encontro e recollida será o propio Auditorio.
Unha das partes fundamentais do campamento son os xogos, xa ben sexa organizados polos monitores/as ou de xeito libre, é sen dúbida, un dos momentos favoritos dos nenos e nenas. Como todos os anos, os xogos que máis triunfan son a bomba, o pilla, o brilé, xincanas,.... Unha mostra:
A semana pasada estivemos facendo manualidades a cerca do circo, creando cada un o seu propio montaxe de circo, caretas e monicreques de animais,...
A semana pasada o campamento voltou ser un fervedoiro de actividades: manualidades, xogos, cancións, malabares, contacontos,.... Unha mostra do ben que o pasaron os nenos e nenas:
Como en todo bo circo que se precie, no noso tamén temos malabaristas, con moitas horas de ensaio detrás para poder realizar unha boa actuación:
O pasado venres cambiamos as instalacións do instituto polo Campo de Arriba, onde estivemos xogando e cantando, e os grupos dos máis maiores realizaron unha xincana pola vila, tendo que averiguar cousas acerca do concello, dos persoeiros rianxeiros e ata o prezo dun refresco:
Estes nenos e nenas do campamento son moi aplicados, gustan moito de crear as súas propias cousas, e fanno moi ben ademais.
Velaí unhas fotiños:
SAÍDA VENRES 15 DE XULLO - CAMPO DE ARRIBA.
Este venres 15 de xullo realizaremos unha xincana e xogos no Campo de Arriba. O horario será o habitual, de 10:30 a 13:30, pero o punto de entrada e recollida será no propio Campo de Arriba, ao lado da Capela de Guadalupe.
Xa deron comezo as actividades deportivas no campamento, as cales van a seguir a seguinte planificación:
Semana 1: Xogos predeportivos
Semana 2: Mini - basquet
Semana 3: Xogos do circo: malabares, equilibrio, figuras ximnásticas,...
Semana 4: Xogos populares
Semana 5: Xogos con implementos
Semana 6: Actividades con música
Unhas fotos:
Estes primeiros días están sendo días de presentacións, de coñecer aos amigos e amigas, monitoras e monitores, de coñecer as instalacións, de habituarnos a actividade de campamento, polo que estivemos facendo actividades de presentación, preparando a decoración do noso circo, caracterizando os nosos grupos,...
Tamén pasamos moita calor, polo que esta semana o venres imos facer unha actividade fresquiña... iremos á praia do Pazo a facer xogos de auga.
Nesta ocasión non nos bañaremos, pero si estaremos facendo diversos xogos con auga, polo que é necesario que traian bañador e roupa de recambio (outro bañador ou roupa interior), crema protectora, viseira, toalla e auga e merenda. O horario será o habitual, e o punto de entrada e saída será igualmente o instituto. Nesta saída contamos coa colaboración da Policía Local de Rianxo, para acompañarnos no traxecto ata o paseo.
Nota informativa saída 8 xullo
E unhas fotiños do que estiveron realizando:
