A temática do campamento este ano será O Circo, e cada semana realizaranse diversas actividades arredor do mundo circense, seguindo esta planificación:
Semana 1 - Chega a carpa do circo a Rianxo: Presentación dos participantes e ambientación dos espazos.
Semana 2 - O presentador e a directora de orquestra: obradoiro de instrumentos musicais, xinkana, puzzle,...
Semana 3 - Trapecistas, acróbatas e funanbulistas: obradoiro de malabares, xogos de orientación,...
Semana 4 - As feras do circo: obradoiro de caretas de animais, bonecos con formas de animais con material de refugallo, xincanas, carreiras,...
Semana 5 - A Caravana da ilusión: trucos de maxia, dramatización, mimos, monicreques, ...
Semana 6 - A última función: preparación de actuacións, obradoiros de disfraces, maquillaxe...
As actividades deportivas realizaranse no seguinte horario:
GRUPOS/DÍAS
LUNS
MARTES
MÉRCORES
XÓVES
10:40 - 11:30
2012
2009
11:30 - 12:20
2011
2008/2007
12:20 - 13:10
2010
2006/2005/2004
Recordade que é obrigatorio traer roupa deportiva e tenis os días que teñan actividade deportiva.
Os venres realizaranse saídas e visitas a diferentes lugares da vila, das cales iremos informando a principios de cada semana. No caso de choiva, realizarase unha actividade alternativa no instituto.
O 12 de agosto, e como fin do campamento, celebraremos unha Festa Fin de Campamento no Campo de Arriba, e pola tarde celebrarase a acampada no Pavillón de Taragoña.
ORGANIZACIÓN
As entradas e saídas realizaranse polos laterais do instituto, segundo a imaxe que se anexa. Pregamos esperen aos nenos e nenas na parte de abaixo das escaleiras.
Plano instituto
Ao longo do campamento, cando teñan que chegar tarde, entrarán acompañados polos pais/nais e dirixiranse ao seu grupo. No mes de agosto, como o instituto vai estar pechado agás para o campamento, darase un número de teléfono para aqueles que vaian chegar tarde ou teñan que saír antes.
É recomendable que leven auga e merenda, xa que se realizará un recreo. Os venres, que realizaremos as saídas, pregamos traian viseira e crema protectora.
CONTACTOS
Calquera dúbida que teñan podedes poñervos en contacto en campamento2016@concelloderianxo.gal ou no teléfono
664 181 401 (Uxía) ou 674 041 412 (Montse).
Recordade que podedes seguir toda a información do campamento no blogue
rianxo.gal/campamento2016
