NORMALIZACIÓN LINGÜÍSTICA NORMALIZACIÓN LINGÜÍSTICA

Casa do Concello
Praza Castelao, 1 (planta baixa, antigo xulgado)
15920 Rianxo

981 86 00 75

normalizacion@concelloderianxo.gal

https://www.facebook.com/SNLRianxo/

Concellería de Cultura, Educación, Xuventude e Normalización Lingüística

luns a venres: 08.00 - 15.00 h

 

LIGAZÓNS LIGAZÓNS

Normalización Lingüística Normalización Lingüística

Atrás

MEDRAMOS CO APEGO, actividades formativas para familias

Comeza a primavera con dúas novas actividades destinadas ás familias do Apego.


O Servizo de Normalización Lingüística, en colaboración coa Concellaría de Benestar, Igualdade e Diversidade, organiza dúas novas propostas formativas para as familias e as persoas educadoras interesadas, centradas en dous aspectos básicos do coidado da poboación infantil: a alimentación e a educación, incluídas baixo o epígrafe MEDRAMOS CO APEGO.

Ambas actividades van ter día e hora fixos, os mércores ás 19.00 h, e lugar, o antigo Liceo marítimo rianxeiro.

  • A primeira delas é unha charla que vai desenvolver a dietista-nutricionista Lidia Folgar, co título Alimentación infantil complementaria (metodoloxía BLW), destinada a familias con crianzas menores de 2 anos, e vaise celebrar o 11 de abril.

Esta especialista en nutrición ten realizado varios traballos orientados á alimentación infantil e vén de publicar o libro “Aprender a comer sólo”, no que recompila as últimas evidencias científicas arredor da alimentación complementaria dende o enfoque Baby-led Weaning, ou o que é o mesmo, “aprender a comer só”, que promove a incorporación de distintos alimentos a través da súa manipulación coas mans e a levalos á boca.

A charla está dirixida a nais, pais e familiares de menores de 2 anos, pero tamén a persoas que traballen con crianzas (coidadoras, profesionais sanitarios, docentes, etc.).

 

  • A segunda proposta inclúe dúas sesións do obradoiro dirixido pola pedagoga e educadora infantil María Paredes, titulado Practicando a disciplina positiva, destinado a familias con crianzas de 4 a 10 anos e a educadoras, que se celebrarán o 25 de abril e o 2 de maio.

Estes obradoiros van afondar nos principios da disciplina positiva, xa tratados na charla do mes pasado, pero dende un punto de vista máis práctico e pormenorizado. Trátase duns talleres intensivos sobre un modelo de crianza respectuosa que axuda a desenvolver habilidades sociais e de vida a longo prazo.

 

As dúas actividades son de balde pero cómpre inscribirse, pois hai prazas limitadas.

As inscricións pódense facer no Servizo de Normalización Lingüística (planta baixa do antigo xulgado), ou a través do correo-e normalizacion@concelloderianxo.gal ou do teléfono 881988891.