Dúas funcións en Rianxo, a do venres contará cunha posfunción cun coloquio co equipo e elenco - TEATRO, Guerra a cargo de Teatro do Noroeste - Concello de Rianxo

TEATRO: Guerra, de Teatro do Noroeste.

• CANDO: venres 11 de abril ás 21.00 h // sábado 12 de abril 20.30 h.
• LUGAR: sala Arcos Moldes do Auditorio de Rianxo
• PÚBLICO: adulto, recomendado para maiores de 14 anos
• DURACIÓN: 1 hora e 40 minutos
• ENTRADAS: de balde ata completar capacidade. Retirada de convites dende unha hora antes do comezo da función.

A función do venres contará cunha posfunción cun coloquio co equipo e elenco.

Nun edificio teatral totalmente destruído por un bombardeo nunha guerra desatada no mesmo corazón de Europa, comezan a aparecer as personaxes do Teatro Universal que nel foran representadas ao longo do tempo e encarnadas en dous actores e catro actrices. As innumerables referencias ás guerras no Teatro Europeo, desde Shakespeare até Lorca enchen a escena de evocadoras secuencias de caos e destrución.