Un proxecto audiovisual colectivo para repensar o presente e futuro do Ulla - Proxección, O Ulla si - Concello de Rianxo

Proxección, O Ulla si.

Un proxecto audiovisual colectivo para repensar o presente e futuro do Ulla, da Fundación Entretantos coa colaboración de Agrocuir e a Plataforma Ulloa Viva.

• DÍA: venres 20 de xuño
• HORA: 21.00
• DURACIÓN: 66 minutos
• ENTRADA: de balde ata completar capacidade
• LUGAR: Sala Arcos Moldes do Auditorio de Rianxo

Esta película nace dunha reflexión colectiva nas comarcas galegas da Ulloa, Terras de Deza e Terras de Melide. Todas elas son áreas afectadas polo proxecto de Altri e Greenalia, que pretende instalar unha macrofábrica de celulosa.
A través de diversos materiais e linguaxes audiovisuais, captura as paisaxes, os pensamentos e as vidas do
territorio con sinxeleza e honestidade.
As voces e a memoria oral, que flúen ao longo do documental como o propio río Ulla, son a alma deste relato
colectivo.