Programa de concertos do Xacobeo (Axencia de Turismo de Galicia) - DANZA, Nove espellos por Óscar Covos Cía de Danza - Concello de Rianxo

DANZA, Nove espellos por Óscar Covos Cía de Danza

• DÍA: venres 24 de outubro
• HORA: 20.00 h
• LUGAR: sala Arcos Moldes do Auditorio de Rianxo
• PÚBLICO DESTINATARIO: adultos
• ENTRADA: de balde ata completar capacidade do espazo. Retirada de convite na billeteira do auditorio dende unha hora antes do comezo da función (máximo 2 por persoa)

Ao abeiro do Programa de concertos do Xacobeo (Axencia de Turismo de Galicia).

“Nove espellos” é o último traballo da Oscar Cobos, unha proposta escénica que nos mergullará nunha atmosfera onírica deixando una pregunta ao aire: onde imos cando durmimos?

Deste xeito, a obra concíbese como unha viaxe polo multiverso e dentro do mundo do noso subconsciente, onde se crea no que o todo e a nada son o mesmo e onde se recrean diversas emocións coma medos, desexos, fracasos, ausencias, acertos, ledicias e tristezas

Protagonizada por tres intérpretes, na peza plásmanse diferentes estilos de danza e linguaxes, mesturando dende a danza popular tradicional de Galicia, a danza contemporánea, clásica ata a danza de contacto, creando un espectáculo único.