A publicación está editada por Alvarellos e presentarase no Centro Sociocultural-Auditorio de Rianxo o vindeiro venres 21 de novembro - LIBROS, Os médicos tamén enferman de Martiño Noriega - Concello de Rianxo

LIBROS, Os médicos tamén enferman de Martiño Noriega editado por Alvarellos Editora.

• DÍA: venres 21 de novembro
• HORA: 21:00 h
• LUGAR: salón de actos do Centro sociocultural-Auditorio de Rianxo (primeiro andar)

Doce anos despois de exercer como alcalde, primeiro no Concello de Teo, e despois en Santiago de Compostela, Martiño Noriega regresou á súa profesión, a Medicina. Os médicos tamén enferman é unha crónica persoal onde Noriega relata o seu retorno ao mundo sanitario nestes anos precarios.

Escrito entre os anos 2021 e 2024, este libro permítenos descubrir directamente o sentir dun médico no duro contexto da sanidade pública nesta época da post-Covid, mais tamén está inspirado nas voces directas das propias persoas que escoita cada día na súa consulta de atención primaria.

«Reincorporeime á medicina ao comezo da pandemia, despois de moitos anos de sobreexposición pública ‒afirma no Limiar ‒. Na Medicina de Familia reencontreime nos coidados coa palabra acompañar, co exercicio de escoitar e co innecesario de ter que opinar de todo a todas horas. Este feixe de historias naceron precisamente desa escoita atenta que pode ser parte da cura».