O sábado 21 de marzo estrea da nova produción de Elefante Elegante - TEATRO FAMILIAR, Estrea de Coralinda de Elefante Elegante - Concello de Rianxo

TEATRO FAMILIAR, Estrea de Coralinda de Elefante Elegante.

• DÍA: sábado 21 de marzo
• HORA: 19.00 h
• LUGAR: sala Arcos Moldes do Auditorio
• PÚBLICO RECOMENDADO: familiar con crianzas a partir de 3 anos
• DURACIÓN: 45 minutos
• ENTRADA: de balde ata completar capacidade. Recollida de convites dende unha hora antes do comezo da función (máximo 2 por persoa)

CORALINDA é unha comedia xestual interpretada ao estilo dos debuxos animados destinado ao público infantil e familiar a partir dos 3 anos.
O espectáculo aborda as temáticas da solidariedade, do racismo e do medo ao que é diferente. CORALINDA propón unha ollada cómplice, refexiva e sensible en relación ás experiencias que viven as persoas que por cuestións de etnia, xénero ou clase social sofren comportamentos discriminatorios.
A través dunha linguaxe xestual fundamentada na manipulación de obxectos e na interacción constante co dispositivo escénico, o espectáculo crea un universo cómico e poético que viaxa do realismo á hipérbole da vida cotiá.