Proposta promovida pola Deputación da Coruña e a colaboración do Concello de Rianxo - DÍA DO LIBRO, proxección e coloquio do documental A Rebelión da Lectura de Espazo Lectura - Concello de Rianxo

DÍA DO LIBRO, A Rebelión da Lectura de Espazo Lectura proxección do documental e coloquio coas directoras Asun G. Losada e Alma Alonso.

Proposta promovida pola Deputación da Coruña e a colaboración do Concello de Rianxo.

• DÍA: xoves 23 de abril
• HORA: 19.00 h
• LUGAR: sala Arcos Moldes do Auditorio
• DURACIÓN: 98 minutos (documental)
• ENTRADA: de balde ata completar capacidade. ​​​​​​​

O fomento da lectura ten unha dimensión humana capaz de transcender a racionalidade, por iso prende, coma un feitizo, nos ollos das persoas. Probablemente ese sexa un dos motivos polos que, vinte anos despois da súa creación a mans dun pequeno grupo de persoas, Espazo Lectura se converteu nun insólito referente do activismo cidadá a favor do libro e a lectura. O documental ‌A rebelión da lectura foi capaz de penetrar nos ollos dos protagonistas para descubrirnos como se produciu ese abraiante milagre.
As imaxes e as voces envolventes do voluntariado da lectura fannos partícipes dese exercicio de xenerosidade compartida que se proxectou a través da ilusión e do entusiasmo.‌