O Fondo Galego de Cooperación e Solidariedade organiza en Rianxo a actuación de teatro infantil "4 monos". - Teatro infantil: 4 monos  - Concello de Rianxo

O Fondo Galego de Cooperación e Solidariedade organiza en Rianxo a representación da obra de teatro infantil 4 monos, coa colaboración do Concello de Rianxo, no marco do programa de Actividades de Sensibilización e Educación para a Cidadanía Global 2026 do Fondo.

• Cando: venres 02 outubro
• Hora: 19.00 h
• Onde: Sala Arcos Moldes - Centro Sociocultural Auditorio de Rianxo ​​​​​​​

• Público ao que vai dirixido: infantil e familiar

• Duración do espectáculo: 60 minutos

4 monos, de Tropa de Trapo

Hai moitos anos, no Afastado Oriente, naceu un símbolo que viña do poder para reprimir ao pobo: os Tres Monos Sabios. Un mono non oía o que pasaba ao seu redor. Outro non quería ver o que tiña diante. E o último calaba a boca para non dicir todo o que pensaba.

Nós dámoslle a volta. Os nosos monos van escoitar, ver e falar. Van pensar, van actuar... e van ser catro!

Catro monos, catro historias. 

A auténtica historia do lagarto da saia da Carolina, que non era un, senón dous... e non se levaban moi ben. 

O conto do monstro da Amazonía que destruía a selva e aterrorizaba aos demais animais. 

A historia de catro mulleres que vivían nunha aldea e que conseguiron evitar que lles roubaran o seu peixe cantando e regueifando.

E por último, a tola historia dun mono que quixo pintar as nubes cun “spray” para que non houbese máis tormentas... e, sen querer, cambiou a vida do resto dos monos.

Catro contos para falar de como nos relacionamos entre nós e co medio, para rir, para reflexionar, para cantar e para soñar con outro mundo posible.