CeibaRimas 2026 levará a Rianxo a maior competición de rap improvisado en galego - CeibaRimas 2026 - Concello de Rianxo

Rianxo acollerá o vindeiro 3 de outubro a final do CeibaRimas, a maior competición de rap improvisado en galego. A xornada combinará as tradicionais batallas de freestyle con actuacións musicais e un espazo dedicado a artistas emerxentes de Galiza.

O programa contará, ademais das competicións de improvisación, cos concertos de Rebelión do Inframundo e Txuki Camanho, así como cunha proposta destinada a dar visibilidade a novos talentos musicais, nos cales participarán Ash Diz, Alddara, Basti, Baba Sall, Noa Vigo, entre outros.

A inscrición para participar na competición de freestyle permanece aberta a través da web ceibarimas.gal. A organización repartirá máis de 1.000 euros en premios entre as persoas participantes.

CeibaRimas consolídase así como unha cita de referencia para a creación musical en galego e para a promoción da cultura urbana e do talento emerxente de Galiza.

+ información: Ceibarimas.gal