- Cabalgata de Reis 2026 - Concello de Rianxo

Achégase a noite máis máxica do ano: a noite de Reis.

O luns 5 de xaneiro Rianxo recibirá as súas Maxestades cunha gran Cabalgata de Reis, chea de ilusión e ambiente festivo.

Ás 17.30 horas, na Praza Castelao, terá lugar un Belén Vivinte, cunha coidada ambientación a cargo da Asociación Fogo Fatuo.

Ás 18.30 horas, está prevista a chegada dos Reis Magos ao Porto de Rianxo, onde subirán ás súas carrozas reais para iniciar o desfile desde o Porto ata a Praza de Castelao. A cabalgata contará con animación de rúa e acompañamento musical de Vai de Roda e da Banda de Gaitas Buxaina.

Na Praza de Castelao realizarase a tradicional ofrenda ante o Belén e, a continuación, a recepción oficial na Casa do Concello polas autoridades locais. Haberá tamén reparto de caramelos para os nenos e nenas.

O Concello quere agradecer sinceramente a todas as entidades, empresas, asociacións e persoas particulares que colaboran e fan posible a celebración desta Cabalgata de Reis, contribuíndo coa súa implicación e apoio a manter viva a maxia desta noite tan especial.