A nova produción do CDG vai de xira e un dos espazos que a acolle é Rianxo - Teatro, A serie Clopen do Centro Dramático Galego - Concello de Rianxo

Teatro, A serie Clopen do Centro Dramático Galego.

• DÍA: xoves 06 de novembro
• HORA: 20.30 h
• LUGAR: sala Arcos Moldes do Auditorio de Rianxo
• DURACIÓN: 90 minutos
• PÚBLICO DESTINATARIO: todos os públicos
• ENTRADA: 5 € . Á venda en ataquilla.com  O día da función na billeteira do auditorio dende ás 18.30 ata as 20.30 horas.

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?