Tras varias semanas de ensaios e preparacións da nova produción de Mofa e Befa na sala Arcos Moldes do Auditorio de Rianxo, chega a estrea a Rianxo - Teatro, estrea Mofa & Befa. Os dous de sempre  - Concello de Rianxo

Teatro, estrea Mofa & Befa. Os dous de sempre.

• DÍA: venres 17 de outubro
• HORA: 21.00 h
• LUGAR: sala Arcos Moldes do Auditorio de Rianxo
• DURACIÓN: 90 minutos
• PÚBLICO DESTINATARIO: maiores de 13 anos
• ENTRADA: de balde ata completar capacidade do espazo. Retirada de convite na billeteira do auditorio dende unha hora antes do comezo da función (máximo 2 por persoa)
• Ao abeiro da programación da Rede Cultural da Deputación da Coruña

Producións Teatrais Excéntricas continúa adaptando grandes figuras da literatura galega ao teatro. Tras o éxito de obras como Porco de Pé de Risco e Auto do Castromil de Manuel María, chega agora a estrea de Mofa & Befa. Os dous de sempre​​​​​​​.

Mofa e Befa, o dúo cómico fundado por Evaristo Calvo e Víctor Mosqueira, encarnan nesta ocasión as personaxes de Pedriño e Rañolas, creación dun humorista gráfico. Contraditorios e antagónicos, mais inseparables, estes dous cómicos representan o encontro entre corpo e alma, estómago e corazón, un universo humorístico inspirado en Castelao e na tradición dos bufóns galegos.

A dirección é de Quico Cadaval, coa dramaturxia de Carme Varela, espazo escénico e iluminación de Baltasar Patiño, figurinos de Carlos Alonso e música de Bernardo Martínez. Fotografía e vídeo corren a cargo de Sonia García.

Elenco: Evaristo Calvo, Víctor Mosqueira e Josito Porto.