Programación ao abeiro da Rede Cultural da Deputación da Coruña - Teatro, Melón Pelado por Butaca Zero - Concello de Rianxo

Teatro, Melón Pelado por Butaca Zero

• DÍA: venres 07 de novembro
• HORA: 20.30 h e 21.30 h (dous pases)
• LUGAR: sala Arcos Moldes do Auditorio de Rianxo
• PÚBLICO DESTINATARIO: adultos
• DURACIÓN: 30 minutos
• ENTRADA: de balde ata completar capacidade do espazo. Retirada de convites, para cada un dos pases, na billeteira do auditorio dende as 19.30 horas (máximo 2 por persoa)

Ao abeiro do Programa Rede Cultural da Deputación da Coruña.

Dúas titiriteiras abren unha caixa de bonecas que en realidade é un baúl dos recordos. Arranca o conto. España, mil novecentos trinta e tantos. Ameniza o espectáculo a Banda de Música do Pobo (de calquera pobo). Entre o posto de churros e a caseta de anís comparece a procesión, o desfile, a comparsa. Pero trátase dun desfile dantesco de bonecas rapadas. A obra, sen dúbida parece un esperpento. Pero de Valle-Inclán non é. Melón Pelado propón unha viaxe iniciática cara lugares da historia non escrita nin contada, nin moito menos fotografada, para reflexionar sobre o propio feito da memoria do atopado.

• ​​​​​​​Sitio web do espectáculo