- Resumo reunión informativa - Concello de Rianxo

O campamento comezará o vindeiro luns 23 de xuño ás 10:30 h, nas seguintes instalacións: IES Félix Muriel de Rianxo, CEP Brea Segade de Taragoña e CEIP Ana Mª Diéguez de Asados.

É aconsellable que as nenas e nenos leven:

• Auga (coa botella identificada co nome)
• Merenda, xa que haberá tempo de recreo
• Roupa cómoda e viseira
• Crema solar protectora botada antes de chegar ao campamento (recoméndase aplicala a diario)

Entradas e saídas

Durante os primeiros días, as monitoras estarán situadas nas zonas de acceso co cartel identificativo do número do grupo. As nenas e nenos deberán dirixirse directamente ao seu grupo correspondente.

As familias deberán agardar na zona habilitada, evitando aglomeracións.

Pídese ás familias puntualidade para garantir o bo funcionamento do campamento.

Zonas de acceso por centro:

• CEP Brea Segade (Taragoña): entrada principal, zona cuberta
• CEIP Ana Mª Diéguez (Asados): pavillón deportivo
• IES Félix Muriel (Rianxo): escaleiras do pavillón
  • Grupos 1 ao 4: acceso polo lado dereito
  • Grupos 5 ao 8: acceso polo lado esquerdo
    • Plano entradas e saídas IES Félix Muriel

Acompañamento inicial:
Como medida de adaptación, os nenos e nenas nados en 2020 e 2021 poderán acceder ao recinto acompañados por un adulto durante os primeiros días.

Cambios de horario e ausencias
Pregamos que, na medida do posible, se respecte o horario completo do campamento. Porén, se precisan entrar máis tarde, saír antes ou se teñen previsto ausencias, especialmente no caso de situacións habituais ou planificadas (como participar noutras actividades, non asistir un día fixo á semana, irse de vacacións, etc.), agradecemos que informen ao monitorado con antelación. Deste xeito, poderemos estar localizados no momento de recoller ou deixar aos nenos e nenas.

En caso de que as instalacións estean pechadas, poderán chamar ao teléfono do campamento para que o equipo lles vaia abrir.

Saídas non acompañadas:
Non está permitido que as nenas e nenos saian do centro sós, agás que as familias o comuniquen por escrito. Igualmente, será necesario informar por escrito no caso de que só poidan ser recollidos/as por determinadas persoas.

Plan Madruga

O servizo do Plan Madruga estará dispoñible a partir das 08:00 h, segundo as necesidades familiares. Se se vai acceder máis tarde das 10:15 h, recoméndase entrar directamente no horario xeral do campamento. O plan madruga desenvolverase en:

• IES Félix Muriel: pavillón polideportivo
• CEP Brea Segade: auditorio do centro (1ª planta)

Saídas e outras actividades

Durante o campamento organizaranse diversas actividades culturais, visitas e saídas, que se comunicarán con antelación a través das canles habilitadas.

En ocasións, estas actividades poden implicar un cambio na instalación de recollida, sendo esta noutros espazos como o Auditorio, Centros Culturais, etc. o cal tamén se comunicará previamente.

A Romería de Fin de Campamento celebrarase o sábado 30 de agosto, no Parque da Santa Lucía de Asados. Haberá xogos, inchables, e actuacións, como a de Uxía Lambona e a Banda Molona.

AVISOS E COMUNICACIÓNS

Teléfonos de contacto para calquera aviso relacionado co campamento:
📞 674 041 412
📞 664 181 401
📧 campamento@concelloderianxo.gal

🌐 concelloderianxo.gal/campamento2025

📲 Lista de difusión por WhatsApp:
Garda nos teus contactos o número 664 181 401 (Xuventude Rianxo) e envía unha mensaxe solicitando ser incluído/a, indicando tamén a instalación na que estás interesado/a.

📢 Canal de Telegram:
Subscríbete ao enlace correspondente ao teu campamento:

• Asados: t.me/CampaAsados2025
• Rianxo: t.me/CampaRianxo2025
• Taragoña: t.me/CampaTaragona2025